चन्दननाथ गुठीको १०८ रोपनी जग्गा अतिक्रमण

काठमाडौं । जुम्लास्थित चन्दननाथ गुठीको ठूलो मात्रामा जग्गा व्यक्तिविशेषले अतिक्रमण गरिसकेका छन् ।

चन्दननाथ र भैरवनाथ मन्दिर परिसरमा विभिन्न व्यवसाय सञ्चालन गर्नुका साथै स्थायी संरचना बनाएका छन् ।

चन्दननाथ राजगुठीको १ लाख ४ हजार वर्गमिटर (करिब २ सय ५ रोपनी) जग्गामध्ये हाल मन्दिर रहेको क्षेत्रमा १४ सय ७९ वर्गमिटर र मन्दिर नजिक सेरा खेत ४८ हजार ३ सय वर्गमिटर मात्र रहेको प्रमाण छ ।

बाँकी करिब १ सय ८ रोपनी व्यक्तिका नाममा पुगेको खबर अन्नपूर्ण पोष्ट दैनिकमा प्रकाश उपाध्यायले लेखेका छन् ।