कोरोना भाइरस: अमेरिका र चीनविच एकअर्कामा आरोप लगाउँदै

जापान । विश्वलाई आक्रान्त पारेको कोरोना भाइरसलाई लिएर दुई शक्तिशाली मुलुक अमेरिका र चीनविच एकअर्कामा आरोप लगाउन थालेका छन् ।

चीनले कोरोना भाइरसलाई वुहान ल्याउनमा अमेरिकी सेनाको हात रहेको आशंका व्यक्त गरेको छ । चीनको परराष्ट्र मन्त्रालयका प्रवक्ता झाओ लिजियानले बिहीवार राति ट्वीट गर्दै लेखे, ‘कोरोनाभाइरसमा अमेरिका किन पारदर्शी छैन रु यो भाइरस अमेरिकी सेनामार्फत हाम्रो वुहान शहरमा आइपुगेको हुन सक्छ नि । झाओको एक बयान आउनुभन्दा एक दिनअघि अमेरिकाले चीनविरुद्ध आरोप लगाउँदै कोरोना भाइरसमाथि एक्सन लिन चीनले निकै ढिलाइ गरेको भनेको थियो । ट्रम्प प्रशासनले त चीनको ढिलाइका कारण कोरोना भाइरस अन्य देशमा फैलिएको समेत बतायो ।

अमेरिकाका राष्ट्रिय सुरक्षा सल्लाहकार रोबर्ट ओ ब्रायनले चीनमाथि सीधै आक्रमण गर्दै भने, ‘कोरोनाभाइरसमा चीनले ढिलो गरी एक्सन लियो । त्यसैले गर्दा संसार दुई महिनादेखि त्यसको दुष्परिणाम भोगिरहेको छ ।

डब्लूएचओका अनुसार शुक्रवारसम्म १ सय २३ वटा देशमा कोरोना भाइरस संक्रमित फेला परेका छन् । विश्वभर १ लाख ३२ हजार ५ सय ३६ जना संक्रमित छन् भने ४ हजार ९ सय ४७ जनाको मृत्यु भएको छ ।