मन्थलीमा एक दिने यान्त्रीक मेला,निर्माण सामाग्री प्रदर्शनी

कैलाश खत्री,रामेछाप । जगदम्बा कन्ट्रक्सन सोलुसन कम्पनीले रामेछापको सदरमुकाम मन्थलीमा एक दिने यान्त्रीक प्रदर्शनी गरेको छ । कम्पनीले चैत ४ गते मंगलबार मन्थलीको बसपार्कमा सो प्रदर्शनी गरेको हो ।

प्रदर्शनीमा केस ब्राण्डका डोजर, ब्याखो लोडर, रोलर, ग्रेडर लगायतका भाैतिक पूर्वाधार, सडक निर्माणमा र जमिन खन्ने काममा प्रयाेग हुने यन्त्रका बारेमा जानकारी दिइएको थियो । अमेरिकी प्रविधिबाट उत्पादित उक्त केस ब्राण्डलाई नेपालमा जगदम्बा शंकर ग्रुपले भित्र्याएको हो । देशका विभिन्न ठाउँमा शाखा रहेको सो कम्पनीले निर्माण क्षेत्रमा काम भई रहेको रामेछाप जिल्लामा पनि आफ्नो ब्राण्डको बजारीकरणका लागि प्रचार -प्रसार गर्ने उदेश्यले मेला अायाेजना गरेको हो ।

एकदिने सो मेलाको व्यवसायी ,निर्माण क्षेत्रसँग सम्बन्धित व्यक्ति र सर्वसाधारणले अवलोकन गरेका थिए । सहभागिलाई कम्पनिका बजार व्यवस्थापन अधिकृत बिजय वस्नेत र सहयायक प्रवन्धक शैलेस शाक्यले प्रविधिको बारेमा जानकारी दिनुभएकाे थियो  ।