चिनियाँ विमान औषधी उपकरणसहितको सहयोग लिएर नेपाल आउँदै

काठमाडौं । विश्वव्यापी महामारीका रूपमा फैलिएको कोरोना भाइरस (कोभिड-१९)संक्रमण नियन्त्रण गर्न चीन सरकारले नेपाल सरकारलाई आवश्यक सामग्री सहयोग गर्ने भएको छ ।

चीनको ग्वान्जाउबाट सहायता सामग्री बोकेको विमानले काठमाडौं आउने तयारी गरेको परराष्ट्र मन्त्रालयले जानकारी दिएको छ।

नेपाल सरकारले आफूसँग कोरोना भाइरससंग लड्ने पर्याप्त औषधी उपकरण नभएको जानकारी गराएपछि चीन सरकारले उक्त सामग्रीसहितको विमान काठमाडौं पठाउने तयारी गरेको हो । चीनको राष्ट्रिय ध्वजावाहक चाइना साउदर्न एयरलाइन्स उक्त सामान बोकेर नेपाल आउन लागेको हो ।

मन्त्रालयका अनुसार उक्त विमान मंगलबार काठमाडौं विमानस्थलमा अवतरण गर्ने योजना रहेको छ । नेपालमा पनी सोमवार एक जनामा उक्त कोरोना भाईरस देखापरेपछि महामारीको रूप लिन्छ भनेर सरकारले आज मंगलवारबाट एकसाता लकडाउन गरेको छ ।
@नेपाल समाचारपत्र दैनिक