पाकिस्तानमा गुडिरहेको बसमाथि बम हमला, नौ जनाको मृत्यु

पाकिस्तानको उत्तरपश्चिमी प्रान्तमा बुधबार भएको बम विस्फोटमा परी कम्तीमा पनि ९ जनाको ज्यान गएको छ भने अरु ३९ जना घाइते भएका छन् ।

पाकिस्तानको उत्तरपश्चिमी खैबर पाक्तुँख्या प्रान्तमा बसमा हमला गरेका थिए । बसमा बम हानेर अज्ञात व्यक्तिले ती नौ जनाको ज्यान लिएको बताइएको छ ।

बसमा रहेका अरु ३९ जना नराम्ररी घाइते भएका छन् । प्रान्तको दासु क्षेत्रमा कामदारहरु लिएर हिँडेको बसमा अज्ञात बन्दुकधारीहरुले हमला गरेका थिए ।

बसलाई लक्ष्य गरेर अज्ञात व्यक्तिले बम हानेका थिए । बसमा रहेका अरु घाइते यात्रुहरुमध्ये अधिकांश गम्भीर रुपमा घाइते भएका छन् । उनीहरुलाई नजिकैको अस्पतालमा लगिएको बताइएको छ ।

यहाँका सुरक्षाकर्मीहरुले उनीहरुलाई अस्पतालसम्म पुर्याएका छन् । उनीहरु उद्धारको काममा खटिरहेका बताइएको छ । यो हमला कसले र किन गरेको हो भन्ने विषयमा केही खुलेको छैन । यहाँका सुरक्षाकर्मीहरुले बम हमलाको बारेमा अनुसन्धान गरिरहेको बताएका छन् ।

फेसबुकबाट तपाइको प्रतिक्रिया

%d bloggers like this: