माओवादीले चुनावी घोषणापत्र बनाउन नसकेको एमाले महासचिव पोखरेलको टिप्पणी

काठमाडौं । नेकपा (एमाले)का महासचिव शंकर पोखरेलले नेकपा माओवादी केन्द्रले आफ्नो चुनावी घोषणा-पत्र पनि बनाउन नसकेको टिप्पणी गरेका छन् ।

काठमाडौंमा पार्टीको सम्पर्क समन्वय कमिटीले आयोजना गरेको कार्यक्रममा उनले माओवादीले पनि कांग्रेसकै घोषणापत्र स्वीकार गरेको बताए ।

माओवादी केन्द्रको हालत के छ भने उसले आफ्नो राष्ट्रिय चुनावी घोषणापत्र सार्वजनिक गर्ने हैसियत पनि गुमाएको छ, उसको घोषणापत्र के हो भन्दा नेपाली कांग्रेसको छातामुनि चुनाव लड्ने भएपछि कांगेसको घोषणापत्र माओवादीको घोषणापत्र बन्न पुगेको छ’ उनले भने ।

माओवादी केन्द्र अब कांग्रेसको छत्र छायाँमा चुनाव लड्ने र कांग्रेसको सहयोगी दल बनेको महासचिव पोखरेलले बताए ।