ओख्रेनीको चुनावी अभियान : रामेछाप नगरपालिकालाई देशकै नमूना बनाउने अठोट

रामेछाप । नेकपा एमाले रामेछाप नगरपालिकाकाबाट नगरप्रमुखका उम्मेदवार रोशन पाख्रिनको टोलीले चुनावी प्रचार अभियानलाइै ब्यापक बनाएको छ । सोमबार रामेछापको ओख्रेनीको चुनावी अभियानमा धमिनी गोल्मटारको सभालाई सम्बोधन गर्दै यस पटक रामेछाप नगरवासीले आफूलाई जिताउने दावी गरेका छन् ।

उनले गत निर्वाचनमा पराजित भएर पनि जनताकै सेवामा पाँच बर्ष काम गरेको बताउदै यस पटक जिताउनेमा आफू विश्वस्त रहेको बताउनु भएका हुन् । रामेछाप नगरपालिकाको ओख्रनीमा आयोजित घरदैलो अभियानलाई सम्बोधन नगरप्रमुखका उम्मेदवार पाख्रिनले आफूले गरेको कामको मुल्यांकलन गरेर पनि नगरवासीले मत दिने विश्वास व्यक्त गरे । उनले भने,‘जिल्ला अस्पतालको अध्यक्ष भएर अस्पतालाई नमूना बनाएर देखाए, अब रामेछाप नगरपालिकालाई पनि देशकै नमूना बनाएर देखाउने योजना छ ।’ उनले नगरको विकास र समृद्धिको लागि पनि आफूलाई मतदान दिन आग्रह गरेका छन् ।

त्यस्तै रामेछाप नगरपालिका उप प्रमुख उम्मेद्धार सिता केसीले यस पटक रामेछाप नगरबासीले सूर्यमा भोट हालेर हामीलाई जिताउने विश्वास ब्यक्त गरिन ।