प्रहरीलाई सरुवा बढुवाका लागि नेताको दैलोमा नधाउन गृहमन्त्रीको चेतावनी

काठमाडौं । उपप्रधान तथा गृहमन्त्री रवि लामिछानेले नेपाल प्रहरीको सरूवा बढुवामा आफूले कुनै किसिमको हस्तक्षेप नगर्ने बताएका छन् ।

शुक्रबार प्रहरी प्रधान कार्यालयको निरीक्षण गर्न पुगेका गृहमन्त्री लामिछानेले आफू कानुनसम्मत चल्ने बताएका हुन् । उनले नियम, कानुन र विधिसम्मत रूपमा प्रहरी चलेमा गृह मन्त्रालय र आफूले कुनै हस्तक्षेप नगर्ने बताए ।

प्रहरीको सरुवा, बढुवा कानुन अनुसार हुने भन्दै उनले त्यसका लागि कुनै मन्त्री र नेताको दैलोमा नधाउन पनि आग्रह गरेका छन् ।

सरुवा बढुवाकै लागि नेताको घरमा धाउने कुरालाई अन्त्य गर्न चाहेको भन्दै उनले यदि कसैले त्यस्तो गरेको देखिए कारवाही गर्ने चेतावनी पनि दिए ।

फेसबुकबाट तपाइको प्रतिक्रिया

%d bloggers like this: