ईमदर नेपाल डट कमको प्रधान-सम्पादकमा आचार्य नियुक्त

टोकियो । ईमदर नेपाल डट कम जापानबाट एक समारोहविच शुभारम्भ गरिएको छ । जापानको टोकियोमा एक समारोहबाट सुरु गरेको पोर्टलको प्रधान सम्पादकमा मातृ सन्देश डट कममा रिपोर्टरको काम गरीसकेका दुर्गाप्रसाद आचार्य नियुक्त भएका छन ।

ईमदर नेपाल डट कम अनलाइन नेपाली न्यूजको शुभारम्भ नेपाली कांग्रेसको प्रवास संगठन जनसम्पर्क समिति जापानको पूर्व संयोजक भुपि गोबिन्द श्रेष्ठको प्रमुख आथित्यतामा,पत्रकार महासंघ जापान शाखाका सल्लाकार बेलुकाजी थापाको बिशेष आथित्यतामा, जनसम्पर्क समिति जापानका पूर्व सभापति डिपि कडेंल, जनसम्पर्क समिति जापानका उपाध्यक्ष राजेन्द्र जम्मरकट्टेल, जनसम्पर्क समिति जापानका महामन्त्री राम जंग कार्की, पत्रकार महासंघ जापान शाखाका उपाध्यक्ष पूर्ण चलाउने,पत्रकार महासंघ जापान शाखाका सदस्य बिश्वास आचार्य, एनआरएनएका पूर्व कोषाध्यक्ष दिपक थापा, एनआरएनए कान्तो क्षेत्रका उपसभापति दिपेश के सी, अन्तरास्ट्रिय  नेपाली समाजका संयोजक पदम सिंह ठगुन्ना, नेपाली समुदाय लगायत उपस्थिति रहेको थियो । प्रमुख अतिथि,बिशेष अथिति, अतिथि लगायतले शुभकामना मन्तव्य दिनु भएको थियो ।

ईमदर नेपाल डट कमले जापानबाट समग्र नेपालीहरुको सुचनाको अधिकारको लागि सदैब प्रयत्नका साथ अघि बढ़ने उदेश्यले जापानबाट आज शुभारम्भ गरिएको हो ।