जापानले ’गो टु ट्राभल’ कार्यक्रम फेब्रुअरीमा पुन: सुरु गर्ने तयारी

जापान । जापान सरकारले आन्तरिक पर्यटनलाई बढावा दिन’गो टु ट्राभल’ कार्यक्रम फेब्रुअरीमा पुन: सुरु गर्ने तयारी गरेको छ । कोरोना संक्रमण दर बढ़ेसंगै बन्द गरेको उक्त अभियानको पुन: फेब्रुवरीबाट सुरु गर्ने तयारी सरकारले गरेको हो ।

सरकारी श्रोतहरुलाई उद्दृत गर्दै जापानी समाचार संस्थाहरुले उल्लेख गरे अनुसार खोप कार्यक्रमको प्रगतिसँगै पछिल्लो समय मुलुकमा नयाँ र गम्भीर कोभिड–१९ सङ्क्रमितको सङ्ख्यामा ह्वात्तै कमी आएपछि सरकारले नयाँ तयारी थालेको हो ।
सरकारले गम्भीर सङ्क्रमणलाई रोक्नको लागि खाने औषधि सन् २०२१ को अन्त्यसम्ममा उपलब्ध हुन्छ कि हुँदैन भन्ने मूल्याङ्कन गर्नुपर्ने धारणा राखेको बताईएको छ ।

प्रधानमन्त्री फुमिओ किशिदाले बुधवार एक पत्रकार सम्मेलनमा पर्यटन अभियानलाई सुरक्षित बनाउनको लागि व्यापक समीक्षा गर्ने पनि बताएका छन ।
श्रोतका अनुसार सरकारले ‘गो टु ट्राभल’ कार्यक्रमको फाइदा लिने व्यक्तिहरूलाई खोपको प्रमाण वा नकारात्मक भाइरस परीक्षणको नतिजा देखाउन आवश्यक पर्ने योजना बनाएको छ ।

प्रति रात २०,००० येन सम्मको यात्रा लागतको ५० प्रतिशत कभर गर्ने पर्यटन प्रवर्द्धन अभियान, महामारीको कारणले मन्दीको बीचमा उद्योगलाई सहयोग गर्न जुलाई २०२० मा सुरु गरिएको थियो । भाइरस प्रभावित भएपछि टोकियोमा सुरुमा अक्टोबरमा स्थगित कार्यक्रम संक्रमणको द्रुत प्रसारको कारण गत डिसेम्बरमा देशभरबाट निलम्बन गरिएको थियो ।

सरकारले प्रति रात सब्सिडी रकमलाई १३,००० येनमा घटाउने विचार गरिरहेको छ, किनभने अपेक्षाकृत ठूलो छुटले मध्यम खालका भन्दा विलासी होटलहरूलाई फाइदा पुर्‍याउने आलोचना हुने गरेको छ ।

महँगो होटल नभई मध्यम र साना होटलहरुमा मानिसहरू बस्ने आशामा आवास सुविधामा ३५ प्रतिशतबाट घटाएर ३० प्रतिशत छुट दिने योजना अघि सारिएको छ ।