कोरोनाले जापानमा एकैदिन २९ जनाको मृत्यु,तीन दिनमा एकपटक बाहिर निस्कन आग्रह

टोकियो । जापानमा आज विहिबार एकैदिन ४३६ जना कोरोना भाइरस संक्रमण नयाँ थपिएका छन् । टोकियोभित्र १३४ जनासहित जापानभर ४३६ जना नयाँ संक्रमित पुष्टि भएको जापानी समाचार संस्था एचएचकेले उल्लेख गरेको छ ।

टोकियो भित्रमात्रै संक्रमितहरुको संख्या ३५७२ जना पुगेको छ । हालसम्म जापानमा आन्तरिक १२,४२९ संक्रमित पुगे भने चीनबाट चार्टर गरि ल्याइएकाहरु र योकोहामा पोर्टस्थित डाइमण्ड प्रिन्सेस क्रुज पानीजहाजका यात्रु ७१२ सहितको संक्रमितहरुको संख्या १३१४१ जना पुगेको उल्लेख छ । जापानमा विहिबार २९ जनाको मृत्यु भएको छ । यो हाल सम्मकै धेरै संख्या हो । जापानमा अहिलेसम्म कोरोनाको कारण ३२८ जना र क्रुज पानीजहाजका १३ जना यात्रुसहित ३४१ जनाले ज्यान गुमाई सकेका छन् ।

तीन दिनमा एक पटक मात्र किनमेल गर्नुस : गभर्नर युरिको कोइके

कोरोना भाइरस संक्रमण बढिरहेको राजधानी टोकियोमा नागरिकका दैनिक आवश्यक खाद्यान्न खरीदका लागि तीन दिनमा एक दिन मात्र घर बाहिर निस्कन आग्रह गरिएको छ । टोकियोका गभर्नर युरिको कोइकेले बिहिबार सो आग्रह गर्नुभएको हो । संक्रमण नियन्त्रणका लागि सरकारले देशभर संकटकाल लागू गरी नागरिकलाई घरघरमै बस्न अनुरोध गरेपछि व्यस्त शहरी क्षेत्रमा भिडभाड कम भए पनि सपिंग सेन्टर र सुपरमार्केटहरुमा अत्यधिक भिड हुने गरेकाले त्यस्तो अपिल गरिएको हो ।

बिहिबार पत्रकार सम्मेलनमा कोइकेले सुपरमार्केट र उद्योगहरुमा भीडभाड कम गर्ने नयाँ योजना बनाउन, वृद्धवृद्धा तथा शारीरक असक्तहरुका लागि बेग्लै समय निर्धारण गर्ने लगायतका रहेका छन् ।

गभर्नर कोईकेले यस वर्षको गोल्डेन विकलाई स्टे एट होम घरमै वस्न विशेष अनुरोध गर्दै आगामी शनिबार देखि अप्रिल ६ तारिकसम्म बाहिर ननिस्कन अनुरोध गरेकी छन।

विस्तृत विवरण