थप १४७४ मा कोरोना पुष्टि, १९३१ जना संक्रमणमुक्त, २९ को मृत्यु

नेपालमा थप १ हजार ४७४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा थप १ हजार ४७४ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २ लाख ३३ हजार ४५२ पुगेको छ । त्यस्तै सोमबार थप १ हजार ९३१ जना कोरोना संक्रमणमुक्त भएका छन् । योसँगै कोरोना संक्रमणमुक्त हुनेको संख्या २ लाख १४ हजार ५२१ पुगेको मन्त्रालयले जनाएको छ ।

पछिल्लो २४ घण्टामा कोरोना संक्रमणबाट थप २९ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १५ सय ८ पुगेको छ । क्वारेन्टाइनमा ५३५ जना रहेका छन् भने आइसोलेसनमा १७ हजार ४२३ जना सक्रिय संक्रमित रहेका छन् ।