नेपालमा थप १०४४ मा कोरोना पुष्टि, ११ को मृत्यु,१२७१ जना संक्रमणमुक्त

काठमाडौं । नेपालमा थप १ हजार ४४ जनालाई कोरोना संक्रमण पुष्टि भएको छ ।

स्वास्थ्य तथा मन्त्रालयका अनुसार देशका विभिन्न प्रयोगशालामा गरिएको परीक्षणमा थप १ हजार ४४ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २ लाख ४६ हजार ६९४ पुगेको छ ।

त्यसैगरी शुक्रबार थप १ हजार २७१ जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या २ लाख ३२ हजार ८७२ पुगेको मन्त्रालयले जनाएको छ । त्यस्तै पछिल्लो २४ घण्टामा थप ११ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १ हजार ६७४ पुगेको छ ।

क्वारेन्टाइनमा ५१९ जना रहेका छन् भने आइसोलेसनमा १२ हजार १४८ सक्रिय संक्रमित रहेका मन्त्रालयले जनाएको छ ।