राष्ट्रिय संगीतकर्मी संघले दियो बालबालिकाको लागि खाद्यान्न सामाग्री

काठमाडौं । नेपाली कलाकारहरुको संस्था राष्ट्रिय संगीतकर्मी संघले राहत बितरणको कार्यलाइ तिब्रता दिएको छ । बिपदमा परेका कलाकारलाई आर्थिक सहायता तथा खाद्यान्न वितरण गरेको संघले आज भने लकडाउनको कारण खाद्यान्न सामाग्रीको अभाब भएका र चर्चित कलाकार सुलेमान शंकर इकुबाट संचालित स्नेहा बाल गृहमा १४ जना बालबालिकाको लागी खाद्यान्न सामाग्री दिएको छ ।

संघले चामल,दाल,चिउरा,नुन,दालमोठ,प्याकेट तेल र ग्यास सहितको खाद्यान्न सामाग्री बितरण गरिएको संस्थाका अध्यक्ष राजेन्द्र कुमार कार्कीले जानकारी दिनुभयो ।  राष्ट्रिय संगीतकर्मी संघ र आरटी मार्टको संयुक्त पहलमा राजेश तिमिल्सिना,राजेन्द्रकुमार कार्की,राजकुमार हुमागाइ,राजकुमार हुमागाइ,रामकुमार पौडेल,नेत्र बहादुर कार्की,गोपाल तिवारी सुरेस सिग्देल लगाएतको उपस्थित रहेको थियो ।

सम्पूर्ण समाग्री स्नेहा बाल गृहका संचालक चर्चित कलाकार सुलेमान  इकुले बुझ्नु भएको थियो ।