नेपालमा कोरोना संक्रमितको संख्या २ लाख ५० हजार नाघ्यो,९३६ संक्रमित थपिए

काठमाडौं । नेपालमा कोरोना भाइरसबाट सङ्क्रमित हुनेको सङ्ख्या दुई लाख ५० हजार नाघेको छ ।

स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा पछिल्लो २४ घण्टामा थप ९३६ जनामा संक्रमण पुष्टि भएको हो । पछिल्लो २४ घण्टामा १७४ महिला र २६४ पुरुष गरी ४३८ जना संक्रमित थपिएका छन् ।योसँगै नेपालमा कोरोना संक्रमितको संख्या २ लाख ५० हजार १८० पुगेको छ ।

त्यसैगरी मंगलबार थप १९९६ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ३८ हजार ५६९ पुगेको छ । त्यसैगरी पछिल्लो २४ घण्टामा कोरोना संक्रमणबाट थप १४ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १७३० पुगेको छ ।

क्वारेन्टाइनमा ४५७ जना रहेका छन् भने आइसोलेसनमा ९ हजार ८८१ जना सक्रिय संक्रमित रहेका मन्त्रालयले जनाएको छ ।